إنتقاءات للشـــــــــاعر المبــــــــــــدع " ثانيْ الدهمَشيْ "

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

الزمن هذا يعلمك الكثير / ياأعز الناس وأغلى الأخويا
أسأل مجرب ولا تسأل خبير / فالجهل دايم نهاياته غيا
لاتكن لين فيعصرك اليسير / ولا تكن قاسي فيكسرك أقويا
الغبا راعيه تلقاه الآخير / والآوائل شي طبيعي اذكيا
والعطا بالسر نابع من ضمير / والعطا بالجهر أغلبه الريا
والبخيل يكون في شحٌه أسير / والكريم يبان في وجهه حيا
والقناعه كنز لآ يفنى تصير / والطمع ناسه تعاس واشقيا
والفقر يخفي محاسن كل فقير / والغنى يخفي عيوب الاغنيا
والغدر أسلوب للشخص الحقير / مثل ماللطيب ناسٍ أوفيا
والكبير اللي ملك عقلٍ صغير / مشقيٍ نفسه لجل يعجب هيا
والخوي يمكن عدوٍ لك يصير / والعدا يمكن يصيرون أخويا
والظلام يهيظ الشعر الخطير / ووينتهي مفعوله ان جاه الضيا
ومن كذب يُكشف لان حبله قصير / ومن صدق يتبع وصاة الانبيا
الزمن هذا بلاويٌه كثير / يأعز الناس وأغلى الاخويا

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

اللي أخذ قلبي كذا وبنظرة العين احجزه / يفداه قلبي لا بعد يفداه والله أجسديْ
له بالجمال إسم الملك وأنا أضفت المعجزه / اللي عيونه ساحره وخدوده الورد النديْ
اللي يهدٌي خاطري وانا بعز النرفزه / اللي على صوته انا لا صرت ضايع أهتدتيْ
اللي اليا منُه زعل يصير مبسمْه اكرزه / واللي ليا منُه ضحك كنٌه تجدد مولديْ
لا جاني وهو مرتبك له عطر يدٌه تفرزه / وليا بغيت اتذكره اشم عطره في يديْ
بياض وجه لا سطع زاح القمر عن مركزه / وإن فلٌ شعره بالنهار تضيع شمسه وتغديْ
ماهو مثل بعض البشر مايفهم إلا تهمزه / ذكي ويفهم ويعرَف من دون إشاره مقصديْ
ولا جيت ابروزه بشعر ولا اعجبته البروزه / فحجتي دايم معي بالشعر توني مبتديْ
مشوار حبي له ترا مشوار لازم انجزه / لان هو طيب وانا استاهل وماني رديْ
ولا صار هو مختارني واسمي من اسماء افرزه / لا والله الا مثل ماقالو اببشر بسعديْ
ومادام وصله خنجرٍ في صدر فرقاي افرزه / عز الله ان موت الهموم المؤلمه على يديْ

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

الغنى والفقر حاجه بيد رب العالمين / مؤمن بهذه العباره بس منتي مؤمنه
وادري ان المال لبٌى لكل شيٍ ترغبين / الا انا واحد من الرغبات غير المُمكنه
وان بغيتي تفتنيني مو بمالك تفتنين / والدليل اني فقير وانتي مُفتنه
وان قدرتي تشترين رجال لا ماتشترين / واحدٍ مثلي مجرب ومحَكوكٍ مَعدنه
وانتي تحَسبين نفسك بالغنى اللي تملكين / تملكيني لا تراني ماني من المَسكنه
انتِ اللي ملك ليٌه واسكتي لا تكابرين / وحالتك في حال شوفي حال اكبر مُدمنه
والله انك مهما كنتي بالنصر تتظاهرين / العب بقلبك تراني مثل لعب الدومنه
كنت احبك قبل اعرفك يوم شفتك شوف عين / قبل اعرف من صفاتك حب ملك السلطنه
انصدمت من اللي شفت وقلت ياربي تعين / وانجرح قلبي بيدينك يوم خنجرك اطعنه
يوم شفتك في غرورك تسرحين وتمرحين / . قلت في نفسي غرورك غير ادفعك اثمنه
لو سمحتي وقعي لي هنا لو تتكرمين / عقد تأجيل العلاقه لين (600) سنه
يعني يااغبى غنيه افهميها لا تجين / ماابي حبٍ يزهمل والمذله تهدنه
قربك الكنز الرخيص وبعدك الكنز الثمين / والندم عندي على فرقاك جهزت اكفنه
كيف ابندم وانتي الي من يحاول لي يهين / حلم والله حلم انك تفرضين الهيمنه
مادخلتي بالمحبه في كتاب العاشقين / انتي كتابٍ قراه القلب ساعه واركنه
واتركي بعض السوالف لان بعض المسلمين / داخلينٍ في جهنم من حصاد الالسنه
اما انا ودي اختصر كل الكلام بكلمتين / والمفيد من الكلام يكون اقلٌه احسنه
الفقر علمني اني ماتردى واستكين / والغنى اللي عن طريقك [ دآيم الله يلعنه ]

» تحضير فقة ثاني ثانوي " بنات " الفصل الدراسي الاول
» محرك بحث " رائع " إكتب أسم المرض ويعرض لك تقارير كامله
» محرك بحث " رائع " إكتب أسم المرض ويعرض لك تقارير كامله
» يموت النومٌ في غيآبك و يخلق لـ السهر"ميلآد"
» مسجات"العذاب أنك تحب أنسان ما يعرف غلاك"